Kevin Lasagna er hetja Carpi í dag þar sem mark hans fer langleiðina með að bjarga nýliðunum frá falli.

Carpi tók á móti Empoli og gerði Lasagna eina mark leiksins gegn tíu leikmönnum gestanna á 85. mínútu.

Carpi er þremur stigum fyrir ofan Palermo sem er í fallsæti þegar þrjár umferðir eru eftir af tímabilinu. Palermo á þó talsvert auðveldari leik í næstu umferð, á heimavelli gegn Sampdoria, heldur en Carpi sem heimsækir nýkrýnda Ítalíumeistara Juventus.

Þess má geta að sigur Carpi í dag fellur Verona stærðfræðilega niður í B-deildina.