Harry Kane ætlar ekki að gefast upp á titilbaráttunni þrátt fyrir svekkjandi jafntefli gegn West Bromwich Albion í kvöld.
Tottenham þurfti sigur til að halda í við topplið Leicester. Sjö stig skilja liðin að á toppi deildarinnar þegar þrjár umferðir eru eftir. Eini möguleiki Tottenham á að hampa titlinum er ef Leicester vinnur ekki neinn af síðustu þremur leikjum sínum.
Tottenham þurfti sigur til að halda í við topplið Leicester. Sjö stig skilja liðin að á toppi deildarinnar þegar þrjár umferðir eru eftir. Eini möguleiki Tottenham á að hampa titlinum er ef Leicester vinnur ekki neinn af síðustu þremur leikjum sínum.
„Tækifærið er ekki horfið, við erum ennþá í titilbaráttunni og þurfum að halda áfram að berjast," sagði Kane ansi bjartsýnn að leikslokum.
„Það voru vonbrigði að vinna ekki í dag því þá værum við í talsvert betri stöðu. Við fengum nóg af færum í fyrri hálfleik til að gera út um leikinn en það tókst ekki. Við vorum alls ekki nægilega góðir í síðari hálfleik.
„Hefðum við spilað jafn vel í seinni hálfleik og við gerðum í fyrri þá hefði þetta verið auðveldur sigur, en svona er fótboltinn. Eina sem við getum gert er að halda áfram að berjast."
Kane benti á það að lokum að næsta helgi gæti hleypt lífi í titilbaráttuna þegar Leicester heimsækir Manchester United og Tottenham heimsækir Chelsea.
„Næsti leikur er gegn Chelsea, við verðum að vinna okkar leik og vona að Manchester United geri okkur greiða."
Athugasemdir
