Telma Hjaltalín Þrastardóttir, sóknarmaður Stjörnunnar, er með slitið krossband á hné og verður því ekki með liðinu í Pepsi-deild kvenna í sumar.
Þetta er í annað skipti sem Telma slítur krossband en hún missti af öllu síðasta tímabili vegna eins meiðsla á sama fæti.
„Hún þarf að fara aftur í aðgerð. Því miður," sagði Ólafur Þór Guðbjörnsson, þjálfari Stjörnunnar, við Fótbolta.net í dag.
Þetta er í annað skipti sem Telma slítur krossband en hún missti af öllu síðasta tímabili vegna eins meiðsla á sama fæti.
„Hún þarf að fara aftur í aðgerð. Því miður," sagði Ólafur Þór Guðbjörnsson, þjálfari Stjörnunnar, við Fótbolta.net í dag.
Hin 22 ára gamla Telma kom til Stjörnunnar frá Breiðabliki í vetur en hún hafði ekki ennþá náð að leika mótsleik með Garðabæjarliðinu þegar hún sleit krossband á ný.
Fleiri leikmenn í Pepsi-deild kvenna hafa slitið krossband á árinu og má þar nefna Dóru Maríu Lárusdóttur, Elísu Viðarsdóttur og Mist Edvardsdóttur í Val. Sandra María Jessen úr Þór/KA sleit einnig aftara krossband í síðasta mánuði.
Eva Hafdís Ásgrímsdóttir ritaði áhugaverðan pistil um tíð krossbandameiðsli kvenna í dag en pistilinn má sjá hér.
Athugasemdir