KR-ingar fengu Eyjamenn í heimsókn í Frostaskjólið og voru talsvert betri aðilinn í leiknum.

Þrátt fyrir yfirburði heimamanna tókst þeim ekki að skora fyrr en á lokakaflanum.

Gunnar Þór Gunnarsson átti þá fyrirgjöf og fór Guðjón Orri Sigurjónsson, markvörður ÍBV, úr markinu og missti af boltanum sem rataði á kollinn á Óskari Erni Haukssyni sem var ekki í vandræðum með að skalla knöttinn í autt markið.

Eyjamenn fengu nokkuð um færi í leiknum og komust gífurlega nálægt því að jafna í tvígang en ekkert varð úr þeim tilraunum og þriðji sigur KR í röð staðreynd.

Frekari umfjöllun birtist innan skamms í leikskýrslunni.

Smelltu hér til að lesa um leikinn