„Þetta eru vonbrigði,við viljum fá þrjú stig á heimavelli. En þetta var hörkuleikur, Selfoss er með mjög gott lið," sagði Hólmar Örn Rúnarsson miðjumaður Keflavíkur eftir 2-2 jafntefli við Selfoss í kvöld.
Lestu um leikinn: Keflavík 2 - 2 Selfoss
Keflavík var lengst af að leita mikið að Jeppe Hansen á vellinum, þar til þeir lentu undir þá fóru þeir að sækja á annan hátt.
„Já það getur vel verið. Ég sá það ekki alveg þannig en við leitum mikið að Jeppe því hann er stórhættulegur. Hann var alltaf við það að detta í gegn en það datt ekki alveg hjá honum núna. Það kom smá kraftur í okkur eftir bæði mörkin sem við skoruðum og mér fannst við líklegir en við náðum ekki alveg að fylgja því eftir."
Hólmar skoraði sjálfur í leiknum en hvað er langt síðan hann skoraði síðast deildarmark í Keflavík?
„Í Keflavík... ég held að það hafi verið 2015 á móti Val þegar við skítféllum úr Pepsi-deildinni," sagði Hólmar sem er að koma inn í liðið aftur eftir meiðsli. Hvernig er staðan á skrokknum?
„Staðan er ágæt. Þetta er alltaf að verða betra og betra. Ég er ekki orðinn 90 mínútna maður og hvað þá 70 mínútna eins og í dag, en með smá klókindum næ ég að spila 70. Þetta mjakast áfram."
Athugasemdir