ÍBV tapaði stigum þegar þær heimsóttu Þór/KA konur á Akureyri fyrr í dag. 3-1 tap staðreynd og Ian Jeffs, þjálfari ÍBV, var ekki ánægður með hvernig fór eftir að leikurinn hafði verið jafn og staðan 1-1 þegar 80.mínútur voru búnar.
Lestu um leikinn: Þór/KA 3 - 1 ÍBV
„Það er alltaf svekkjandi að tapa leik og mér fannst eins og leikurinn spilaðist að það væri jafnteflislykt af þessu. Þær áttu mikið af skotum fyrir utan teig og við fengum tækifæri til að gera eitthvað þannig þetta leit út fyrir að fjara út í 1-1 jafntefli. En ef þú verst ekki föstum leikatriðum þá bara færðu á þig mark,“ voru fyrstu viðbrögð Ian Jeffs við tapinu.
„Ég er óánægður og ósáttur með það. Við fórum vel yfir þetta á æfingasvæðinu og að fá á sig mark svona eftir að hafa farið svona vel yfir þetta, ég er bara “pissed” að þetta hafi gerst í dag,”
„Ég vil vera ofar og ég vil berjast við toppliðin. Við sýndum í dag og á móti Stjörnunni og í 70 mínútur á móti Val að við getum gefið bestu liðunum góðan leik“ hafði Jeffsý meðal annars að segja um hvernig deildin hefði æxlast hingað til.
„Ef ég á að taka eitthvað jákvætt úr leiknum þá var frammistaðan mjög fín í 80 mínútur en við verðum að gera betur í svona leikjum,” voru lokaorð Ian Jeffs eftir leikinn í dag.
Allt viðtalið má sjá hér að ofanverðu.
Athugasemdir