Þór/KA hélt áfram sigurgöngu sinni þegar þær fengu ÍBV í heimsókn á Þórsvöll á Akureyri í dag. 3-1 sigur varð niðurstaðan í baráttuleik þar sem heimakonur skoruðu tvö síðustu mörkin á síðustu 10 mínútunum.
Lestu um leikinn: Þór/KA 3 - 1 ÍBV
Sandra María Jessen, sem er að koma til baka úr krossbandsmeiðslum á undraskömmum tíma eins og frægt er orðið, kom inn á í hálfleik og skoraði sitt fyrsta mark í sumar þegar hún kom Þór/KA í 3-1 undir lok leiks.
„Heilt yfir bara mjög góð spilamennska. Áttum marga góða kafla en auðvitað margt sem við getum enn bætt í okkar leik og leikkerfi. Þetta er draumabyrjun aftur fyrir mig. Þetta er samt liðssigur og það þarf fleiri en einn leikmann til þess að skora,” sagði Sandra María í viðtali eftir leik.
Í næstu umferð heimsækja Þór/KA konur lið Stjörnunnar sem einnig er í toppbaráttu.
„Klárlega verður þetta hörkuleikur gegn Stjörnunni og gamla góða klisjan um að næsti leikur sé alltaf sá mikilvægasti. En við vitum að við erum að fara á erfiðan útivöll og þurfum að vera alveg tilbúnar til þess að taka þrjú stig þar“ hafði Sandra María að segja um þennan risa leik sem framundan er.
Í viðtalinu hér að ofanverðu fer Sandra frekar í saumana á leiknum og gefur upp lágmarksmarkmið fyrir eigin markaskorun í sumar.
Athugasemdir