„Við lentum 1-0 undir en stelpurnar sýndu mikinn karakter að koma til baka og ná 2-1 forystu," sagði Nik Chamberlain þjálfari Þróttar eftir 2-2 jafntefli við Keflavík í Inkasso deild kvenna í kvöld.
„Svo skora þær annað mark en við börðumst og mér fannst sanngjarnt að fá stig út úr þessum leik," bætti hann við en Keflavík náði forystunni strax eftir 6 mínútna leik.
„Ég hafði áhyggjur þegar við lentum undir því við höfum átt það á hættu að fá á okkur annað mark strax eftir að hafa lent undir. Ég var því ánægður með hvernig við brugðumst við, með baráttu og að setja svo tvö mörk."
Sjálfur vildi hann fá vítaspyrnu seint í leiknum en fékk ekki og 2-2 varð niðurstaðan.
„Auðvitað vildi ég víti og ég öskraði á það. Hún fékk blóðnasir, auðvitað vill maður víti í svona aðstæðum. Vonandi mun dómgæslan líka falla með okkur í svona atvikum seinna."
Athugasemdir