Luka Kostic og hans menn í Haukum sóttu sín fyrstu stig á útivelli í kvöld þegar liðið marði Selfyssinga 0-1. Luka var gríðarlega sáttur eftir leikinn.
Lestu um leikinn: Selfoss 0 - 1 Haukar
„Já, að sjálfsögðu. Fyrsti okkar sigur á útivelli og héldum hreinu. Þetta er rosalega góð tilfinning.“ sagði Luka Kostic aðspurður hvort hann hafi verið ánægður með sigurinn.
„Við áttum betri færi en þeir. Þeir spiluðu vel en við áttum virkilega góða kafla. Fyrri hálfleikurinn var jafnræði en við áttum fyrrihluta seinni hálfleiks og vorum með þetta í okkar höndum en þá setja þeir á okkur pressu. Við sköpuðum fleiri færi en þeir.“
Haukar mæta toppliði Þróttara í næstu umferð og á Luka von á erfiðum leik þar.
„Þeir eru búnir að spila mjög vel í ár og ég er búin að sjá nokkra leiki hjá þeim. Þeir eru vel skipulagðir og gera fá mistök. Í dag gerðum við lítið af mistökum og þessvegna vinnum við.“
Viðtalið má sjá hér að ofan í heild sinni.
Athugasemdir
