„Ég er enn í fríi. Ég veit ekki hvort ég verð áfram hjá Juventus. Ég hef ekki rætt við (Massimiliano) Allegri þjálfara eða liðsfélagana ennþá. Á mánudag mun ég funda með Allegri og sjáum hvað gerist. Ég er ánægður hér og er sallarólegur sem stendur. Ég tel að stuðningsmenn Juventus eigi líka að vera rólegir," sagði Vidal.

Svo var hann spurður að því hvort hann væri á leið til Manchester United. Vidal hló og svaraði: „Nei, nei."

Vidal hefur verið orðaður við United og fleiri félög en Liverpool hefur til að mynda verið nefnt oft í enskum slúðurblöðum að undanförnu.