Freddy Adu var líkt við Pele á sínum tíma en hann hefur verið langt frá því að standa undir væntingum.
Sóknarmaðurinn Freddy Adu hefur skrifað undir samning við serbneska félagið FK Jagodina en það er hans tíunda félag á jafnmörgum árum.
Ferill Adu er hreint ótrúlegur en þegar hann var 14 ára lék hann sinn fyrsta leik í bandarísku MLS-deildinni og margir spáðu því að hann yrði einn daginn allra besti fótboltamaður heims.
Ferill Adu er hreint ótrúlegur en þegar hann var 14 ára lék hann sinn fyrsta leik í bandarísku MLS-deildinni og margir spáðu því að hann yrði einn daginn allra besti fótboltamaður heims.
Annað kom á daginn og hafði hinn 25 ára Adu farið víða á reynslu áður en hann fékk samning hjá serbneska félaginu.
Adu hóf ferilinn með DC United þar sem hann vann MLS-titilinn á fyrsta ári og þremur árum síðar fór hann til Real Salt Lake þar sem hann var eitt tímabil áður en hann hélt til Evrópu og gekk í raðir Benfica í Portúgal.
Hann var eitt tímabil hjá Benfica áður en hann var lánaður til Monaco, Beleneses, Aris í Grikklandi og Rizespor í Tyrklandi. Hann snéri aftur til Bandaríkjanna 2011 og samdi við Philadelphia Union og átti svo stutta dvöl hjá Bahia í Brasilíu 2013.
Bahia sagði upp samningi við Adu í nóvember í fyrra og fór þá leikmaðurinn til reynslu hjá Blackpool á Englandi, Stabæk í Noregi og AZ Alkmaar í Hollandi án þess að fá samningstilboð.
Á ferlinum hefur hann skorað 27 mörk fyrir félagslið sín og þar af komu 12 fyrir DC United í upphafi ferilsins.
Athugasemdir