„Víkingar voru miklu grimmari en við," sagði Gunnar Guðmundsson, þjálfari Selfoss, eftir 0-2 tap gegn Víkingi Ólafsvík í 1. deildinni í kvöld. Selfyssingar eru í fallhættu, aðeins tveimur stigum frá fallsæti.
„Það gengur ekki fyrir okkur í þessari stöðu að halda að við getum komið inn í þennan leik án þess að berjast af fullum krafti. Við áttum ekkert skilið út úr þessum leik þó við höfum fengið dauðafæri í byrjun leiks. Það hefði kannski breytt leiknum hefðum við skorað þar."
Selfoss hefur aðeins skorað fjögur mörk á heimavelli í deildinni í sumar,
„Við erum að skoða þau mál að bæta okkur sóknarlega en á móti kemur að við fengum tvö mörk á okkur í dag og það er heldur ekki nógu gott."
„Við erum í bullandi fallbaráttu, það er ekkert flóknara en það. Víkingar mættu bara drullugrimmir í dag og ætluðu sér sigur. Við svöruðum því ekki."
Viðtalið má sjá í heild í sjónvarpinu hér að ofan.
Athugasemdir