Stjarnan tryggði sér í kvöld sæti í úrslitaleik Borgunarbikars kvenna með 1-0 sigri á Breiðablik í Kópavoginum í kvöld. Mark Hörpu Þorsteinsdóttur undir lok fyrri hálfleiks skyldi liðin af.
Hlynur Svan Eiríksson þjálfari núverandi bikarmeistara Breiðabliks var að vonum hundsvekktur með niðurstöðuna.
Hlynur Svan Eiríksson þjálfari núverandi bikarmeistara Breiðabliks var að vonum hundsvekktur með niðurstöðuna.
,,Þetta er hrikalegt. Ég er hrikalega sár og svekktur yfir svona úrslitum. Það er afskaplega lítill munur á liðunum og mér fannst við vera aðeins ofan á ef eitthvað er í þessum leik," sagði Hlynur Svan sem er afskaplega svekktur með mark Stjörnunnar en Sonný Lára í marki Blika virtist missa boltann inn eftir snertingu frá Hörpu Þorsteinsdóttur.
,,Við töpuðum þessum leik 1-0 og þær fara áfram en ekki við. Þetta sigurmark þeirra er sárgrætilegt. Þetta var afskaplega klaufalegt og ég skil ekki hvernig boltinn lak inn," sagði Hlynur.
Viðtalið í heild sinni er hægt að sjá í sjónvarpinu hér að ofan.
Athugasemdir
