Ronaldo þarf ekki að kynna fyrir neinum en hann var valinn besti knattspyrnumaður heims í janúar og þá vann hann Meistaradeild Evrópu með Real Madrid á síðustu leiktíð. Hann hefur tvívegis verið valinn besti knattspyrnumaður heims.

Jorge Mendes, umboðsmaður Ronaldo, vinnur hjá Gestifute en sú stofa er á leið í samstarf við umboðsmannaskrifstofu Lil Wayne.

Það hefur verið langþráður draumur Wayne að komast í þennan bransa en hann hefur nú látið verða af því. Hann tilkynnti á vefsvæði sínu á Facebook að Ronaldo væri nú kominn í Young Money Cash Money Billionaire teymið en það teymi inniheldur menn á borð við Drake, Nicki Minaj og Tyga.

Bandaríski miðillinn TMZ greindi frá þessu áður en Wayne birti fréttina sjálfa á Facebook.

Stofa Wayne mun sjá um mál Ronaldo í Bandaríkjunum en stofan mun stækka vörumerkið CR7 sem og sjá um alla samstarfssamninga þar í landi.

Ronaldo er sjálfur spenntur fyrir samstarfinu en hann hefur þegar birt mynd af sér þar sem hann sýnir merki YMCMB. Forsætisráðherra Japans og aðrir stjórnmálamenn í Japan stiltu sér þá upp á myndinni með honum.