Michael Jónsson er genginn í raðir Ægis í Þorlákshöfn frá Grindavík. Michael hefur einungis komið við sögu í einum leik með Grindavík í 1. deildinni í sumar og hefur því ákveðið að færa sig um set í 2. deildina.
Hann á yfir 100 leiki í meistaraflokki með Grindavík, Reyni og Ægi en hann lék með liðinu sumarið 2011 í 3. deildinni.
Hann á yfir 100 leiki í meistaraflokki með Grindavík, Reyni og Ægi en hann lék með liðinu sumarið 2011 í 3. deildinni.
Michael er kominn með leikheimild með liðinu og getur því leikið með Ægi á morgun þegar þeir fá topplið deildarinnar, Fjarðabyggð í heimsókn.
Fyrr í félagsskiptaglugganum fengu Ægismenn Martein Gauta Andrason frá Haukum en Marteinn lék með Ægi í fyrra sumar.
Ægir er í 8. sæti í 2. deildinni með 16 stig eftir tólf umferðir.
Athugasemdir