Bjarni Guðjónsson var skiljanlega ekki sáttur við 2-1 tap Fram gegn KR í dag. Framarar voru betri aðilinn í fyrri hálfleik en nýttu ekki færin. KR liðið færði sér það í nyt og skoruðu tvö mörk í þeim seinni.
Lestu um leikinn: Fram 1 - 2 KR
,,Ég er grautfúll, mér fannst við eiga meira skilið úr þessum leik."
,,Við lögðum upp með að velja okkur tækifærin til að fara upp með pressuna. Við leyfðum þeim að spila í kringum okkur en ekki í gegnum okkur. Það gékk nokkuð vel."
Bjarni segir Fram liðið hafa skapað færi, en liðið hafi verið óheppið.
,,Við sköpuðum ágætis færi í fyrri hálfleik, við fáum víti og sköpum okkur tvö, þrjú færi. Þetta var óheppni og ekki að falla með okkur."
,,Ef þú nýtir ekki færin þá ertu ekki að skora mikið af mörkum og þá er erfitt að vinna leiki."
,,Þetta er ekki óskastaða en það eru einhverjir leikir eftir," sagði Bjarni.
Athugasemdir