Andri tryggði Víkingi sigur.
Andri Rúnar Bjarnason tryggði Víkingi 1-0 sigur gegn ÍBV í mikilvægum leik liðanna í Pepsi-deildinni í kvöld og var hann að vonum ánægður með sigurinn.
Sigurmark Andra Rúnars kom á 93. mínútu eftir öfluga skyndisókn, en Víkingur fór upp í 6. sæti deildarinnar og er nú með 21 stig.
Sigurmark Andra Rúnars kom á 93. mínútu eftir öfluga skyndisókn, en Víkingur fór upp í 6. sæti deildarinnar og er nú með 21 stig.
„Þetta var risastórt mark og ég er mjög feginn," sagði Andri Rúnar við Fótbolta.net eftir leikinn.
„Við getum ekki bara pressað í 90 mínútur, við þurfum að vera þéttir líka. Við erum búnir að sýna það í seinni hlutanum að við erum rosalega þéttir, við þurfum bara að skora eitt mark þegar við erum svona þéttir og það kom í dag."
Andri Rúnar var sannfærður um að Davíð Örn Atlason væri að fara að geysast upp kantinn um leið og sá síðarnefndi fékk boltann í aðdraganda sigurmarksins.
„Ég var alveg á hinum kantinum og svo sá ég að Davíð fékk boltann í bakverðinum og þá vissi ég að hann var að fara upp allan kantinn, hann er nýkominn inn á og öskufljótur. Þegar boltinn fór á Rolf vissi ég alveg að hann væri að koma á mig, þannig að hann hleypur yfir hann og það var lítið annað sem ég gat gert en að skora."
Viðtalið má sjá hér að ofan.
Athugasemdir
