Ásmundur og félagar máttu þola grátlegt tap í kvöld.
Ásmundur Arnarson, þjálfari ÍBV, var virkilega svekktur eftir 1-0 tap sinna manna gegn Víkingi í Pepsi-deildinni í kvöld. Allt stefndi í að leik myndi ljúka með markalausu jafntefli þar til Andri Rúnar Bjarnason tryggði Víkingum sigur á lokasekúndunum.
„Þeir sem hafa upplifað þetta vita það að eins og það er sætt að vinna svona leiki, þá er algerlega grátlegt að tapa þeim. Leikurinn sem slíkur var kannski ekki mikið fyrir augað og það var fátt um fína drætti. Við vorum slakir, sérstaklega í fyrri hálfleik og heppnir að sleppa við að fá á okkur mark," sagði Ásmundur við Fótbolta.net.
„Mér fannst við vinna okkur svo ágætlega inn í leikinn og síðustu 20 mínúturnar vorum við komnir með ágætis tök á þessu, vorum að fá tækifæri, er þá ekki týpískt að það komi eitthvað svona í andlitið á manni?"
„Það sem er kannski ennþá grátlegra er að það er púra brot þegar þeir vinna boltann og break-a upp og dómarinn biðst afsökunar eftir leik að hafa ekki séð þetta."
„Þetta var bæði magi og kjaftur í dag, hægri krókur."
Athugasemdir
