Gunnar Borgþórsson, þjálfari kvennaliðs Selfoss, var ánægður með 3-1 sigur liðsins gegn Aftureldingu í Pepsi-deildinni í kvöld.
Selfyssingar óðu í dauðafærum og hefðu getað unnið mun stærri sigur, en liðið mætir Stjörnunni í bikarúrslitum á laugardaginn.
Selfyssingar óðu í dauðafærum og hefðu getað unnið mun stærri sigur, en liðið mætir Stjörnunni í bikarúrslitum á laugardaginn.
„Það er einhvern veginn alltaf erfitt að spila á móti Aftureldingu, þær eru þéttar og við lendum í ótrúlegustu vandræðum með að skora hjá þeim. Ég held að við höfum aldrei spilað svona stífan sóknarleik með góðum sóknum án þess að fá mikið út úr því," sagði Gunnar við Fótbolta.net.
„Við þurfum að nýta svona færi, við erum ekki að fara að fá svona mörg færi í bikarúrslitaleik, það er á hreinu. Við fáum kannski jafn mörg færi og við fengum á fyrstu tíu mínútunum."
Athugasemdir