Haraldur Sigfús Magnússon, þjálfari kvennaliðs Þróttar, var að vonum svekktur eftir að liðið féll úr Pepsi-deildinni í kjölfar 3-2 taps gegn KR í kvöld.
„Við klárum Pepsi-deildina fyrst og hugsum um hitt eftir það. Þetta var hörkuleikur og lið á mjög svipuðu getustigi. Þetta var skemmtilegur leikur og sótt á báða bóga, þetta gat dottið báðu megin sem er en þær unnu þetta í dag," sagði Haraldur við Fótbolta.net eftir leikinn.
„Við ákváðum að taka sénsinn og reyna að sækja þrjú stigin og þá opnast oft til baka og það var bara það sem gerðist."
Athugasemdir