Milos Milojevic, þjálfari Víkings, var að vonum í skýjunum með 1-0 sigur liðsins gegn ÍBV í Pepsi-deildinni í kvöld.
Víkingar tryggðu sér sigurinn með marki frá Andra Rúnari Bjarnasyni í uppbótartíma og var Milos ánægður með baráttu sinna manna.
Víkingar tryggðu sér sigurinn með marki frá Andra Rúnari Bjarnasyni í uppbótartíma og var Milos ánægður með baráttu sinna manna.
„Þetta eru bestu sigrarnir fyrir mig, fyrir mig eru 1-0 bestu sigrarnir. Ég veit að áhorfendur eru ekki sammála, en vörnin, öftustu sex voru gríðarlega flottir allan leikinn og héldu þetta út. Ég sagði það 100 eða 200 sinnum í síðustu viku að ef við höldum hreinu, þá skorum við mark, og við skoruðum mark. Leikur er 90 plús mínútur og við vorum ready í þessar 90 plús mínútur og uppskerum vel í dag," sagði Milos við Fótbolta.net.
Þrátt fyrir að Víkingur hafi slitið sig frá botnbaráttunni með þessum sigri er Milos ekki rólegur, en FH er næsti andstæðingur.
„Allir sem þekkja mig vita að ég er ekki rólegur og ég vil alltaf vinna næsta leik. Það verður erfitt verkefni, það er toppverkefni og ég er mjög spenntur og ég er alveg viss um að strákarnir eru það líka. Það þarf ekki að mótivera menn til að spila gegn FH."
Athugasemdir