„Mjög sterkur sigur, alltaf erfitt að koma hingað á Akureyri og spila við Þór/KA,” sagði Ólafur Þór Guðbjörnsson þjálfari Stjörnunnar eftir 0-4 sigur gegn Þór/KA í Pepsi-deild kvenna í kvöld.
Lestu um leikinn: Þór/KA 0 - 4 Stjarnan
„Mér fannst við töluvert sterkari aðilinn framan af leik en það jafnaðist aðeins þegar líða fór á leik. Við fengum flott færi fyrstu 10 mínúturnar og hefðum getað verið búin að skora 2-3 mörk þar. Þetta eru bara hörkuleikir, þetta eru liðin í öðru og þriðja sæti og við erum bara mjög ánægðir með að halda hreinu hérna, skora 4 mörk og fara í burtu með þessa þrjá punkta. Það er bara virkilega gott.”
„Við hugsum bara um okkur, við ætlum bara að klára leikina okkar. Við förum í alla leiki til að vinna þá og það hefur ekkert breyst. Við ætlum bara að reyna að klára okkar leiki. Þetta verður ómögulegt, Blikarnir klára sitt, það vita það allir og þeir eru bara vel að því komnir.”
Nánar er rætt við Ólaf hér að ofan.
Athugasemdir
