Víkingur Ólafsvík steig stórt skref í átt að Pepsi-deildinni með 2-1 sigri á Þór í 18. umferð 1. deildarinnar um helgina. Hrvoje Tokic skoraði bæði mörk Ólafsvíkinga og hann er í úrvalsliði umferðarinnar líkt og liðsfélagi hans Björn Pálsson.

Terrance William Dieterich og Alexander Freyr Sindrason hjálpuðu Haukum að vinna Gróttu á útivelli og þeir Richard Sæþór Sigurðsson og Halldór Arnarsson hjálpuðu Selfyssingum að ná mikilvægu stigi í botnbaráttunni.

Ævar Ingi Jóhannesson skoraði tvö mörk fyrir KA í útisigri á BÍ/Bolungarvík og þar var Davíð Rúnar Bjarnason einnig öflugur í vörninni.

Marko Valdimar Stefánsson og Matthías Örn Friðriksson voru öflugir þegar Grindavík lagði HK í Kórnum og Magnús Már Lúðvíksson var besti maður vallarins þegar Þróttur og Fram gerðu jafntefli.