Óvænt úrslit urðu í A-riðlinum í 4. deild karla í gærkvöldi þegar Afríka sigraði Árborg. Afríka er á botni riðilsins en þetta var annar sigur liðsins í sumar.

Árborg hefði með sigri náð að tryggja sér sigurinn í A-riðli. Úrslitin í gær þýða hins vegar að Berserkir vinna riðilinn ef þeir vinna Mídas í síðasta leik sínum um helgina.

Sigurliðið í A-riðlinum mætir ÍH eða KFG í úrslitakeppninni á meðan liðið í 2. sæti mætir KH.