fim 25. ágúst 2016 17:30
Aðsendir pistlar
Pistill: Pistlar á Fótbolta.net eru viðhorf höfundar og þurfa ekki endilega að endurspegla viðhorf vefsins eða ritstjórnar hans.
Bréf til allra knattspyrnuáhugamanna
Jón Ólafur Daníelsson skrifar
Aðsendir pistlar
Aðsendir pistlar
Jón Ólafur Daníelsson.
Jón Ólafur Daníelsson.
Mynd: Fótbolti.net - Hafliði Breiðfjörð
,,Ég hef farið vandlega yfir leikskýrslu leiksins. Mér sýnist að það sé engin fædd inní byrjunarlið félags andstæðinga okkar í kvennaleiknum.''
,,Ég hef farið vandlega yfir leikskýrslu leiksins. Mér sýnist að það sé engin fædd inní byrjunarlið félags andstæðinga okkar í kvennaleiknum.''
Mynd: Fótbolti.net - Hafliði Breiðfjörð
,,Aftur á móti vorum við hjá ÍBV með fjóra leikmenn í okkar byrjunarliði fæddar í Vestmannaeyjum ásamt einni fæddri í Rangárhverfi og sex af sjö varamönnum fæddar hér í Eyjum.''
,,Aftur á móti vorum við hjá ÍBV með fjóra leikmenn í okkar byrjunarliði fæddar í Vestmannaeyjum ásamt einni fæddri í Rangárhverfi og sex af sjö varamönnum fæddar hér í Eyjum.''
Mynd: Fótbolti.net - Hafliði Breiðfjörð
,,Ég hef líka tekið saman lista yfir leikmenn úr úrvalsdeildinni sem fæddar eru í Vestmannaeyjum.   -  Margrét Lára Viðarsdóttir- Besti leikmaður Íslands frá upphafi. Leikur með Val.''
,,Ég hef líka tekið saman lista yfir leikmenn úr úrvalsdeildinni sem fæddar eru í Vestmannaeyjum. - Margrét Lára Viðarsdóttir- Besti leikmaður Íslands frá upphafi. Leikur með Val.''
Mynd: Fótbolti.net - Hafliði Breiðfjörð
,,Ef landsbyggðarlið eins og ÍBV, Þór/KA, Grindavík ofl myndu ekki leitast við að styrkja lið sín þá væri lítið varið í Íslandsmótið því það væri bara óopinbert Reykjavíkurmót.''
,,Ef landsbyggðarlið eins og ÍBV, Þór/KA, Grindavík ofl myndu ekki leitast við að styrkja lið sín þá væri lítið varið í Íslandsmótið því það væri bara óopinbert Reykjavíkurmót.''
Mynd: Fótbolti.net - Hafliði Breiðfjörð
,,Ég velti líka fyrir mér hver staða liða eins og Vals og Breiðabliks væri ef ekki væri fyrir þessa leikmenn sem fæddar eru í Eyjum.''
,,Ég velti líka fyrir mér hver staða liða eins og Vals og Breiðabliks væri ef ekki væri fyrir þessa leikmenn sem fæddar eru í Eyjum.''
Mynd: Fótbolti.net - Hafliði Breiðfjörð
Góðan dag kæra knattspyrnufólk.
Í ljósi mjög neikvæðra skrifa í garð félaga sem þurfa að styrkja lið sín með útlendingum til að halda velli á meðal þeirra bestu langar mig að gefa ykkur gott fólk smá innsýn í starfsemi kvennaliðs ÍBV.

Ég vil taka það skýrt fram að ég er ekki að skrifa í nafni ÍBV heldur algjörlega af minni eigin reynslu sem er afar mikil.

Það sem helst fær mig til að rita þetta bréf eru skrif sem ég hef séð á facebook í garð ÍBV vegna fjölda útlendinga í liðinu.

Ég ætla fyrst að tala um uppalda leikmenn. Eins og annars staðar hljóta sumir uppaldir leikmenn náð fyrir augum þjálfara en aðrir ekki. Það virðist stundum vera smá misskilningur meðal fólks þegar verið er að ræða þessa hluti að þótt lið samanstandi bara af íslendingum er ekki þar með sagt að þeir séu uppaldir, því fer fjarri því í flestum tilfellum er um aðsótta leikmenn frá öðrum félögum að ræða.

Í Vestmannaeyjum búa uþb 4.000 manns og því erfitt að halda úti öllum aldursflokkum í knattspyrnu en okkur hefur þó tekist það hingað til. Þegar kemur að meistaraflokki þá vandast málið því ljóst þykir að ekki getum við haldið úti úrvalsdeildarliði og ekki einu sinni 1.deildar liði byggðu eingöngu á heimamönnum. þeir sem stjórna hverju sinni hafa í raun um tvo kosti að velja.

Fyrri kosturinn er sá að leika eingöngu á uppöldum leikmönnum sem þýðir að liðið þyrfti að leika í næst efstu deild jafnvel í deildinni þar fyrir neðan. Þetta þýðir að bestu og metnaðarfyllstu leikmenn félagsins myndu leita á önnur mið því þessir leikmenn vilja leika á meðal þeirra bestu sem gefur þeim möguleika á landsliðssæti eða atvinnumennsku ásamt fleiru.

Að mínu mati þýðir þetta að metnaður félagsins dofnar og áhorfendum fækkar.

Hinn kosturinn er að styrkja liðið verulega og leika á meðal þeirra bestu. Með þessari ákvörðun þá áttu meiri möguleika á að halda heimamönnum og byggja síðan í kringum þá það sem til þarf.

Ókosturinn sem fylgir því að ætla byggja eingöngu á heimamönnum og eiga á hættu með að missa bestu leikmennina gerir sennilega það að verkum að það fólk sem stjórnar hverju sinni velur seinni kostinn og fær þá tækifæri til að vinna með bestu leikmönnunum sem eru uppaldir hverju sinni.

Það sem ÍBV stendur frammi fyrir er að styrkja þarf liðið um 5-8 leikmenn á hverju ári til að leika meðal þeirra bestu. ÍBV stendur líka frammi fyrir því að missa leikmenn í háskóla í Reykjavík og því þarf að fylla þeirra skarð. Eftir leiktímabilið 2015 missti ÍBV 4 uppalda leikmenn úr byrjunarliði sem er of stór biti að kyngja fyrir svona lítið byggðarlag og því ekki skrítið að ÍBV hafi þurft að bæta verulega við sig fyrir leiktímabilið 2016.

Hver er munurinn fyrir ÍBV að fá útlending eða íslending til lið við sig?

Að fá Íslending:
Kostir þess að fá íslending eru í raun tveir þ.e leikmaðurinn talar okkar tungumál og við vitum nákvæmlega hvað leikmaðurinn getur. 
Ókosturinn við að fá íslending er sá að viðkomandi er í nánast öllum tilfellum í skóla sem þýðir að viðkomandi flytur til Eyja um miðjan mai og aftur frá Eyjum í byrjun ágúst sem þýðir að þjálfari ÍBV er að þjálfa viðkomandi leikmann í tvo og hálfan mánuð en í annan tíma þarf að koma viðkomandi
leikmanni fyrir hjá öðru liði sem í flestum tilfellum eru andstæðingar okkar.
Þá eru Íslendingar í flestum tilfellum dýrari kostur en útlendingar.

Að fá útlending:
Kostir þess að fá útlending er að viðkomandi getur verið búsettur í Eyjum þann tíma sem ÍBV æskir og þjálfari ÍBV því með óheftan aðgang að leikmanninum.

Þeir útlendingar sem ÍBV hefur fengið í gegnum tíðina hafa nánast undantekningarlaust lagað sig vel að umhverfinu og líður vel í Eyjum. Útlendingar eru í flestum tilfellum ódýrari kostur en íslenskir leikmenn. Ókosturinn við að fá útlendinga er að viðkomandi talar ekki okkar tungumál og við erum aldrei 100% vissir um getu viðkomandi.

ÍBV hefur alltaf reynt að styrkja sig með því að bjóða íslenskum leikmönnum til Eyja en áhugi flestra liggur í því að leika á höfuðborgarsvæðinu.

Ef landsbyggðarlið eins og ÍBV, Þór/KA, Grindavík ofl myndu ekki leitast við að styrkja lið sín þá væri lítið varið í Íslandsmótið því það væri bara óopinbert Reykjavíkurmót.

Ég persónulega sé ekki hver munurinn er á því að fá aðfluttan Íslenskan leikmann eða aðfluttan erlendan leikmann. Öll eru þau með sama markmið þ.e að ná árangri í fótbolta. Hvort leikmaður tali íslensku eða ensku skiptir mig ekki neinu máli heldur skiptir mig og mitt félag öllu máli hversu heiðarleg persónan er og hvort viðkomandi sé tilbúin að berjast að eyjanna sið fyrir ÍBV.

Áfram að uppöldum leikmönnum.
Í lok apríl, lékum við hjá ÍBV til úrslita í Lengjubikarkeppninni og fór leikurinn fram hér í Eyjum. Ég sat þá við hlið manns sem vinnur ötulega að framgangi íslenskrar knattspyrnu. Hann spurði mig hversu margar væru uppaldar í ÍBV. Ég tjáði honum það, en það voru þrír leikmenn fæddar í eyjum og tvær frá Rangárhverfi sem leikur undir merkjum ÍBV í yngri flokkum. Hann spurði mig þá um andstæðinga okkar og ég sagðist ekki vera viss heldur taldi ég að þar væri hámark ein fædd inní félagið en aðrar aðfengnar. Um varamannabekkinn tjáði ég honum að allir 7 varamenn ÍBV væru fæddar í Eyjum en af varamannabekk andstæðingana taldi ég að væru 4 af sjö varamönnum fæddar inní félagið. Þar sem við vorum að leika gegn einu af stærstu félögum á Íslandi tel ég þetta vel af sér vikið hvað okkar litla byggðarlag varðar og ekki gagnrýnivert.

Nú um síðustu helgi lékum við svo til úrslita í Borgunarbikarkeppninni. Þar mættu ég stoltur af okkar félagi þ.e að vera með í úrslialeik bæði kvenna og karlalið ÍBV.

Það sem ég sá svo ritað á facebook fékk mikið á mig. Þar er talað um að ÍBV samanstandi bara af útlendingum og félagið mikið gagnrýnt fyrir þessa stefnu. Ég hef farið vandlega yfir leikskýrslu leiksins. Mér sýnist að það sé engin fædd inní byrjunarlið félags andstæðinga okkar í kvennaleiknum.

Aftur á móti vorum við hjá ÍBV með fjóra leikmenn í okkar byrjunarliði fæddar í Vestmannaeyjum ásamt einni fæddri í Rangárhverfi og sex af sjö varamönnum fæddar hér í Eyjum. Varamannabekkur andstæðinga okkar sýnist mér innihalda 5 fæddar inní félagið af sjö.
Á facebook var svo ritað eftir leik að um alíslenskan bikartitil sé að ræða. Ég spyr því, erlendi leikmaðurinn sem gerði fyrsta mark leiksins eftir aðeins 2 mínútu og átti mjög stóran þátt í sigri bikarmeistarana, er hún þá ekki bikarmeistari?

Ég hef líka tekið saman lista yfir leikmenn úr úrvalsdeildinni sem fæddar eru í Vestmannaeyjum.
  -  Margrét Lára Viðarsdóttir- Besti leikmaður Íslands frá upphafi. Leikur með Val.
  -  Fanndís Friðriksdóttir- Fluttist til Eyja 3 ára. landsliðskona. Leikur með Breiðabliki.
  -  Elísa Viðarsdóttir- Landsliðskona. Leikur með Val.
  -  Berglind Björg Þorvaldsdóttir- Landsliðskona. Leikur með Breiðablik.
  -  Kristín Erna Sigurlásdóttir- Hefur leikið 188 leiki í meistaraflokki og gert í þeim 88 mörk. Leikur með Fylki.

Já, ég held að ÍBV þyrfti ekki að fá mikið af leikmönnum til sín ef við byggjum við þann lúxus að missa ekki frá okkur slíka leikmenn vegna náms, atvinnumennsku eða annara óviðráðanlegra aðstæðna.

Ég velti líka fyrir mér hver staða liða eins og Vals og Breiðabliks væri ef ekki væri fyrir þessa leikmenn sem fæddar eru í Eyjum.

Eftir þessi skrif stend ég stoltur úr sæti yfir því að vera hluti af ÍBV.

Með virðingu fyrir leiknum,
Jón Ólafur Daníelsson framkvæmdarstjóri ÍBV, knattspyrnu kvenna. 
Athugasemdir
banner
banner
banner
banner