Það eru 22 leikir á dagskrá í forkeppni Evrópudeildarinnar í kvöld. Hjálmar Jónsson, Elías Már Ómarsson og félagar í Gautaborg mæta Qarabag en sænska liðið vann fyrri leikinn, 1-0.

Hjörtur Hermannsson og félagar í Bröndby fá það verðuga verkefni að vinna til baka, 3-0 tap gegn Grikkjunum í Panathinaikos. Rúnar Már og félagar í Grasshopper fá svipað verkefni gegn Fenerbahce á meðan Hólmar Örn, Matthías Vilhjálmsson, Guðmundur Þórarinsson og Rosenborg fá Austria Wien í heimsókn en austurríska liðið leiðir, 1-0 eftir fyrri leikinn.

West Ham gerði 1-1 jafntefli við rúmenska liðið Astra Giurgiu en enska liðið er í góðri stöðu enda heimaleikurinn eftir. Loks fær Rapid Wien, með Arnór Ingva Traustason innanborðs, Trencin frá Slóvakíu í heimsókn en Arnór og félagar unnu fyrri leikinn, 4-0.