Hinn þaulreyndi varnarmaður Selfyssinga Sigurður Eyberg var sáttur með stig gegn toppliði Grindavíkur í Inkasso-deildinni í kvöld. Leiknum lauk með 1-1 jafntefli þar sem Selfyssingar skoruðu jöfnunarmarkið á 86.mínútu leiksins.
„Það var gríðarlega sterkt að koma til baka og ná að jafna í 1-1 eftir að hafa lent undir þarna seint í leiknum. Mér fannst mjög sanngjarnt að við höfum náð að skora þetta mark, þetta var mjög jafn leikur og bæði lið kannski bara sátt með eitt stig."
„Við fengum fullt af færum til að skora í leiknum og hefðum getað komist yfir í fyrri hálfleik og leitt leikinn, þá hefði þetta þróast öðruvísi. Maður veit aldre."
Selfyssingar sigla lygnan sjó um miðja deild og hafa nú gert þrjú jafntefli í röð. En hver eru markmið liðsins fyrir þessa leiki sem eftir eru?
„Að reyna að safna sem flestum stigum og sjá hvar við endum."
Athugasemdir
