„Við sýnum það að þegar við berjumst þá getum við unnið hvaða lið sem er," sagði Aron Bjarnason, leikmaður ÍBV eftir mikilvægan sigur liðsins gegn Val.
Lestu um leikinn: ÍBV 4 - 0 Valur
Aron gat verið sérstaklega ánægður með sína frammistöðu í dag, en hann hjálpaði liðinu að ná í stigin þrjú þar sem hann setti þrennu í leiknum.
„Ég er búinn að klúðra nokkrum færum upp á síðkastið, þannig að það er mjög skemmtilegt að þetta datt fyrir mig í dag," sagði Aron.
„Það var barátta í Valsmönnum en við vildum þetta bara miklu meira og það sýndi sig alveg,"
Eyjamenn eru nánast búnir að tryggja sæti sitt í Pepsi-deildinni að ári með sigrinum í dag.
„Það getur allt gerst en við ætlum að ná í að minnsta kosti stig í Kaplakrika til að tryggja sæti okkar," sagði Aron að lokum.
Viðtalið í heild sinni má sjá í spilaranum að ofan.
Athugasemdir