Víkingarnir hans Ejubs fengu KR í heimsókn í dag í næstsíðustu umferð Pepsi deildar karla. Víkingar töpuðu naumt og eru enn að berjast fyrir lífi sínu í deild þeirra bestu. Eins og oft hefur komið fram áður þá var dæmt mark af Víkingum í seinni hálfleik sem hefði getað bjargað miklu í þessari fallbaráttu.
Lestu um leikinn: Víkingur Ó. 0 - 1 KR
Rétt áður en við náðum tali á Ejub þá fékk hann að sjá myndbandsupptöku af þessu umdeilda atviki og því lá vel við að spyrja hann bara strax út í þetta
„Já þetta var bara mark. Ég vildi ekkert tjá mig um þetta áðan en eftir að hafa séð þetta þá get ég sagt að þetta var bara hreint mark. En ég ætla bara að leyfa öðrum að dæma um það"
Fylkir og Þróttur sitja í fallsætunum og hefði Fylkir jafnað Víking að stigum með sigri en Þróttur náði að jafna leikinn og tryggja sér stig. Ejub var hins vegar ekkert að pæla í þeim leik fyrr en eftir að sinn væri búinn
„Ég spurði bara þegar okkar leikur var búinn hvernig leikurinn hjá þeim hefði farið."
Ejub var mjög ánægður með spilamensku síns liðs í dag
„Við spiluðum mjög vel fram að þessu marki hjá þeim, þá datt þetta aðeins niður hjá okkur en síðari hálfleikurinn var eiginlega allur bara mjög góður. 21 stig getur oft dugað og hefur alveg gert það en í dag var ég bara að pæla í mínum leik. Við verðum bara að fara í þennan leik á móti Stjörnunni og gefa allt sem við eigum. Eftir það sjáum við hvort þessi stig dugi eða ekki"
Athugasemdir