Viðar Örn Kjartansson setti tvennu fyrir Maccabi Tel Aviv gegn nágrönnunum í Hapoel í ísraelsku deildinni í dag.

Kantmaðurinn flinki Tal Ben Chaim skoraði einnig tvennu í leiknum en Fiorentina er meðal þeirra félaga sem hafa augastað á honum.

Viðar skoraði fjórða og fimmta mark Maccabi í stórsigrinum og er félagið á toppi deildarinnar með 16 stig eftir 6 umferðir.

Viðar hefur byrjað mjög vel í Ísrael og virðist ekki eiga í miklum erfiðleikum með aðlögunarferlið sama í hvaða heimshorni hann spilar.