Þýska úrvalsdeildarfélagið Hamburg hefur rekið Bruno Labbadia úr starfi knattspyrnustjóra félagsins.
Síðasti leikur liðsins undir stjórn Labbadia var 1-0 tapleikur gegn meisturum Bayern Munchen í gær en Joshua Kimmich skoraði sigurmarkið á lokamínútum leiksins.
Hamburg er aðeins með eitt stig eftir fimm umferðir og þykir það óásættanlegur árangur.
Labbadia kveður því Hamburg eftir eitt og hálft ár í brúnni en þessi fimmtugi Þjóðverji hefur einnig stýrt Stuttgart, Bayer Leverkusen, Greuter Furth og Darmstadt á þrettán ára þjálfaraferli.
Hamburg mun tilkynna um ráðningu á eftirmanni Labbadia á allra næstu dögum.
Athugasemdir