Stefán sem er fyrrverandi landsliðsmaður Íslands og atvinnumaður sem spilaði í Noregi, Danmörku, Austurríki og Belgíu, hefur undanfarin ár verið einn þriggja þjálfara 2. flokks karla hjá Breiðabliki.

Félagið tilkynnti á fréttamannafundinum að Haukar muni hér eftir leika í búningum frá Errea en Stefán klæddist þeim búningi við undirskriftina. Einnig var tilkynnt að Kjartan Stefánsson sem stýrði kvennaliði félagsins upp í Pepsi-deildina um helgina verði áfram þjálfari.

Stefán staðfesti við Fótbolta.net að hann sé í viðræðum við tvo leikmenn um að verða spilandi aðstoðarþjálfari hjá sér næsta sumar.

Þá tilkynntu Haukar í dag að félagið muni halda áfram samstarfi við Luka Kostic fráfarandi þjálfara því gerður hefur verið samningur við þjálfunarfélag hans, Ask Luka ehf, varðandi einstaklingsmiðaða afreksþjálfun fyrir framtíðar leikmenn í karla og kvennaflokkum félagsins.