Rúnar Már Sigurjónsson er heldur betur að stimpla sig inn í svissneska boltann en hann var á skotskónum í dag þegar Grasshopper fékk Vaduz í heimsókn.

Rúnar Már kom heimamönnum yfir á 23.mínútu og tvöfaldaði svo forystuna í byrjun síðari hálfleiks. Gestirnir klóruðu svo í bakkann en tókst ekki að jafna og 2-1 sigur Rúnars og félaga staðreynd.

Rúnar Már er nú búinn að skora fjögur mörk á sínu fyrsta tímabili með Grasshopper en liðið er í sjötta sæti eftir níu leiki.