Bayern vann 7-1 sigur gegn Roma í Meistaradeildinni í vikunni og hefur unnið sex sigra í röð í öllum keppnum. Síðasta tap liðsins kom í þýska ofurbikarnum gegn Borussia Dortmund í ágúst.

Gladbach er einnig ósigrað í deildinni á þessu tímabili.

„Við megum ekki missa okkur í gleðinni. Eftir sigurinn gegn Roma fórum við beint í að undirbúa leikinn gegn Gladbach. Það er mikilvægur leikur í leiðinni að titlinum og það eru margir mikilvægir leikir framundan. Við þurfum að halda einbeitingu og taka einn leik í einu," sagði Benatia.

Bayern hefur aðeins fengið tvö mörk á sig í þýsku úrvalsdeildinni á þessu tímabili. Gladbach vann góðan sigur gegn Hannover 3-0 í síðasta deildarleik og rúllaði yfir Apollon 5-0 í Meistaradeildinni síðasta fimmtudag.

Lið Guardiola vann báða leikina gegn Gladbach á síðasta tímabili, útileikinn unnu Bæjarar 2-0 í janúar síðastliðnum.