Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 25. október 2014 13:56
Hafliði Breiðfjörð
Heimild: 101 
Hægt að skipta út Balotelli treyjum fyrir Fowler á Anfield
Hér er hægt að skipta út Balotelli treyjunni sinni á Anfield.
Hér er hægt að skipta út Balotelli treyjunni sinni á Anfield.
Mynd: Paddy Power
Mario Balotelli hefur floppað hjá Liverpool á tímabilinu og aðeins skorað eitt mark síðan hann var keyptur á 16 milljónir punda í sumar.

Nú er svo komið að stuðningsmenn liðsins sem keyptu sér Balotelli treyju frá Liverpool geta komið við fyrir utan leikvang félagsins og skipt henni út fyrir treyju merkta Fowler og númerið 9 á bakinu eins og Robbie Fowler bar alltaf hjá félaginu.

Það er reyndar ekki Liverpool sem býður upp á þetta heldur veðbankinn Paddy Power sem setti upp bás fyrir utan leikvanginn og gerir stuðningsmönnum þennan greiða.

Paddy Power hefur nýtt sér vikuna í að gera grín að Balotelli því fyrr í vikunni endurgreiddu þeir öllum sem höfðu veðjað á að Balotelli yrði markakóngur í ensku úrvalsdeildinni.

Balotelli er annars í byrjunarliðinu gegn Hull City í leik sem er að hefjast.
Athugasemdir
banner
banner
banner
banner