Þrátt fyrir að Börsungar hafi verið í fríi í gær mættu þeir ekki en þeir voru að mótmæla því að þjálfarinn Luis Enrique var ekki einu sinni tilnefndur sem þjálfari ársins þrátt fyrir að hafa unnið deildina.

Carles Rexach, sendiherra Barcelona, mætti til að taka við verðlaunum sem leikmenn félagsins fengu.

Atletico Madrid var í aðalhutverki á hátíðinni en félagið fékk fimm stór verðlaun, þar á meðal besta markvörðinn (Jan Oblak) og besta varnarmanninn (Diego Godin). Diego Simeone er þjálfari ársins.

Stærstu verðlaunin fékk Antoine Griezmann, sóknarmaður Atletico, sem valinn var besti leikmaður La Liga en Lionel Messi hefur hlotið þessi verðlaun sex sinnum á síðustu sjö árum.

Real Madrid fékk tvö verðlaun. Luka Modric var valinn besti miðjumaðurinn og hinn tvítugi Marco Asensio, sem var á láni hjá Espanyol á síðasta tímabili, var valinn besti nýliðinn.