Heimild: 433.is
„Þetta er ekki alveg orðið klárt að ég verði í FH en svona næstum. Ég hugsa að ég verði í FH á næsta ári, það eru mestar líkur á því," sagði Atli Guðnason, sóknarmaður FH, við 433.is í gær.
Hann segist ekki hafa fengið nein tilboð frá félögum erlendis.
Hann segist ekki hafa fengið nein tilboð frá félögum erlendis.
Þessi 31 árs leikmaður hefur í mörg ár verið meðal bestu leikmanna Pepsi-deildarinnar en hann lék sinn fyrsta leik fyrir FH í efstu deild 2004.
Alls hefur hann skorað 85 mörk í 260 leikjum í deild og bikar hér á landi.
Fyrr í þessum mánuði sagði Atli í viðtali að framtíð sín í boltanum væri í mikilli óvissu eftir að samningur hans rann út.
Nú stefnir hinsvegar allt í að hann verði áfram í búningi FH en hann skoraði átta mörk í 21 leik í Pepsi-deildinni á liðnu tímabili þar sem Hafnarfjarðarliðið stóð uppi sem sigurvegari.
Athugasemdir