Ryan Leonard, miðjumaður Southend United, segir að tónlist Justin Bieber sé best til þess fallin að koma mönnum í gírinn fyrir leiki. Leonard er sannfærður um að Bieber eigi sinn þátt í því að hann hafi skorað þrjú mörk í síðustu fjórum leikjum.

„Síðan við byrjuðum að spila Justin Bieber í klefanum fyrir leiki fór ég að skora á nýjan leik," segir Leonard.

„Ég er ekki viss um að allir í liðinu séu hrifnir af lögum Bieber, sérstaklega ekki Adam Barrett (35 ára miðvörður)."

Til gamans látum við fylgja eitt nýjasta myndbandið frá Bieber sem tekið var upp hér á Íslandi.