Guðmundur Kristjánsson og félagar hans í Start tryggðu veru sína í efstu deild með 3-1 sigri á B-deildarliði Jerv í kvöld í umspili um sæti í efstu deild að ári.

Liðin gerðu 1-1 jafntefli í fyrri leiknum sem fram fór á heimavelli Jerv en í dag reyndist úrvalsdeildarliðið sterkara.

Guðmundur lék allan leikinn fyrir Start.

Start lauk keppni í fjórtánda sæti norsku úrvalsdeildarinnar sem lauk á dögunum og þurfti því að fara í þetta umspil.