Heimild: BBC
Mark Hughes, stjóri Stoke í ensku úrvalsdeildinni, segir að framherjinn Wilfried Bony sé með klásúlu í samningi sínum sem geri honum kleift að fara yfir í kínversku ofurdeildina í janúar.
Hughes býst þó við því að þessi 27 ára gamli sóknarmaður, sem er í láni hjá Stoke frá Manchester City, muni klára tímabilið á Englandi.
Hughes býst þó við því að þessi 27 ára gamli sóknarmaður, sem er í láni hjá Stoke frá Manchester City, muni klára tímabilið á Englandi.
„Ég held að það sé satt," sagði Hughes aðspurður út í klásúluna hjá Bony. „Það þarf samt margt að gerast áður en þetta getur gerst, ekki síst að hann vilji sjálfur fara þangað."
„Ég held að hann muni ekki vilja það. Ég held að hann sjái sig sem leikmann í ensku úrvalsdeildinni á þessu ári og á komandi árum."
Bony hefur skorað tvö mörk í tíu leikjum hjá Stoke á þessari leiktíð, en mörkin komu bæði gegn hans gamla liði, Swansea.
Athugasemdir