Edu Ferreira, ungur sóknarmaður portúgalska félagsins Boavista, lést á Santo Antonio spítalanum í Porto á aðfangadagskvöld.
Ferreira var aðeins tvítugur þegar hann lést en hann greindist með æxli í fótlegg fyrir nokkrum mánuðum og er það ástæða andlátsins.
Ferreira var aðeins tvítugur þegar hann lést en hann greindist með æxli í fótlegg fyrir nokkrum mánuðum og er það ástæða andlátsins.
Edu byrjaði að æfa með aðalliði Boavista fyrir einu og hálfu ári og framlengdi félagið samning hans fyrr í mánuðinum til að styðja við hann og fjölskylduna á erfiðum tímum.
„Þetta er sorgleg stund. Við munum nota þennan dag til að minnast allra góðu tímana með Edu," stendur í yfirlýsingu frá félaginu í dag, jóladag.
„Þetta skapar tóm í hjörtum okkar sem mun aldrei vera fyllt. Í dag bættist ein stjarna við á himininn. Hvíl í friði, Edu!"
Athugasemdir
