Besiktas 1 - 0 Liverpool (5-4 í vítaspyrnukeppni)
1-0 Tolgay Arslan ('72 )
Smelltu hér til að sjá vítakeppnina
1-0 Tolgay Arslan ('72 )
Smelltu hér til að sjá vítakeppnina
Staðan var 1-0 fyrir Besiktas eftir venjulegan leiktíma og þurfti því að framlengja þar sem Liverpool vann fyrri leikinn með sömu markatölu.
Varamaðurinn Tolgay Arslan skoraði eina mark leiksins á 72. mínútu með laglegu skoti eftir undirbúning Demba Ba.
Tyrkirnir komust nálægt því að vinna leikinn undir lok venjulegs leiktíma þegar Ba átti skot í slá eftir að leikmönnum Liverpool mistókst að koma boltanum í burtu eftir hornspyrnu.
Í vítakeppninni steig Demba Ba fyrstur á punktinn og skoraði af öryggi. Rickie Lambert jafnaði fyrir metin með þrumufleyg og í kjölfarið skiptust liðin á að skora. Spyrnur beggja liða voru afar öruggar og enduðu allar í netinu þar til spyrna Dejan Lovren í bráðabana fór hátt yfir.
Þar með er ljóst með að Liverpool er úr leik, en Besiktas verður aftur á móti í pottinum þegar dregið verður í 16-liða úrslitin.
Þá má reikna með að mínúturnar 120 geti sett strik í reikninginn fyrir Liverpool í deildinni. Liðið mun núna ferðast aftur til Englands og fær Englandsmeistara Manchester City í heimsókn snemma á sunnudaginn.
Athugasemdir