Kristinn V. Jóhannsson, vallarstjóri á Laugardalsvelli, hefur verið valinn vallarstjóri ársins hjá samtökum Íþrótta og Golfvallarstarfsmanna á Íslandi (SÍGÍ).
Þetta er þriðja árið í röð sem Kristinn hlýtur þessi verðlaun og er hann vel að þeim kominn, enda er Laugardalsvöllur ávallt í frábæru ástandi.
Golfvallarstjóri ársins 2014 er Bjarni Þór Hannesson, vallarstjóri Golfklúbbsins Keilis.
,,Síðastliðinn vetur var virkilega erfiður bæði á knattspyrnuvöllum sem og á golfvöllum og alveg ljóst að Bjarni og Kristinn sem og fleiri vallarstjórar á völlum landsins unnu þrekvirki í því að koma sínum völlum í gott standi fyrir sumarið," segir í fréttatilkynningu frá SÍGÍ.
Athugasemdir
