Neil Taylor, bakvörður Wales, var mjög niðurdreginn eftir leik gegn Írlandi á föstudagskvöld. Hann átti skelfilega tæklingu og fékk rautt spjald að launum.
Eftir 21 mínútu í leiknum sem endaði með markalausu jafntefli átti Taylor glórulausa tæklingu á Seamus Coleman, bakvörð Írlands.
Eftir 21 mínútu í leiknum sem endaði með markalausu jafntefli átti Taylor glórulausa tæklingu á Seamus Coleman, bakvörð Írlands.
Coleman kom mjög illa út úr tæklingu og er illa fótbrotinn. Hann mun ekkert spila meira á þessu tímabili, en óljóst er nákvæmlega hversu lengi hann verður frá.
Chris Coleman, þjálfari Wales, segir að Taylor hafi verið mjög niðurdreginn í klefanum eftir leik.
„Neil Taylor er ekki leikmaður sem gerir svona, en þetta er erfitt fyrir Seamus. Hugur okkar er með honum," sagði Coleman.
„Neil í búningsklefanum, hann var mjög niðurdreginn. Hann var sjálfur meiddur alvarlega og þekkir því þetta."
Athugasemdir