Luis Figo og Steven Gerrard mættust á knattspyrnuvellinum í gær þegar goðsagnir Liverpool og Real Madrid áttust við á Anfield.
Luis Figo fyrrum leikmaður Real Madrid hafði orð á því eftir leikinn að hann hafi viljað fá Gerrard til Real Madrid á sínum tíma.
Þegar Luis Figo var spurður út í hvort hann hafi viljað fá að spila með Gerrard hjá Real Madrid sagði hann. „Á því augnabliki í lífinu þegar við höfðum möguleika á því að spila saman, þá gekk það ekki upp. Mér finnst það algjör synd því allir vilja spila með þeim bestu."
„Ég held að Gerrard hafi sýnt það á ferlinum að hann var einn sá besti í sinni stöðu. Liverpool var heppið að fá að njóta krafta hans og hann er algjör stjarna hér á Anfield, sagði Figo sem tapaði 4-3 fyrir Gerrard og félögum í Liverpool.
Athugasemdir