Viðar Jónsson, þjálfari Leiknis Fáskrúðsfjarðar, hefur birt magnað myndband á Twitter. Þar sést atvik úr leik liðsins gegn Fram í Lengjubikarnum um síðustu helgi.

20 mínútna hlé var gert á leiknum í Fjarðabyggðarhöllinni eftir að mikill snjór rann af þaki hallarinnar.

Óttast var að börn hefðu lent undir snjónum og allir leikmenn beggja liða hlupu út að leita undir snjónum. Engin börn lentu þó undir snjónum og á endanum hélt leikurinn áfram.

Hér að neðan má sjá þegar leikmenn hlaupa út að leita í miðjum leik.

„Mómentið í leiknum gegn Fram um daginn sem enginn kemur til með að gleyma," skrifar Viðar við myndbandið á Twitter.

Sjá einnig:
Leikur Leiknis og Fram stöðvaður - Leikmenn fóru út að leita