Öllum fimm leikjunum í undankeppni HM sem hófust klukkan 18:45 er nú lokið.

Skotar unnu dramatískan sigur á Slóveníu á Hampden Park þar sem Chris Martin skoraði eina mark leiksins á 88. mínútu. Skotar voru fyrir leikinn fjórum stigum frá Slóveníu en eru núna með sjö stig í fjórða sæti, aðeins tveimur frá Slóvakíu sem er í öðru sæti.

Robert Lewandowski skoraði í góðum útisigri Póllands gegn Svartfjallalandi og eru því Pólverjar með sex stiga forystu á toppi E riðils.

Norður Írland er í öðru sæti C riðils eftir þægilegan sigur á Norðmönnum. Jamie Ward var búinn að skora fyrir Írana eftir aðeins 90 sekúndna leik og það var svo Conor Washington sem kláraði leikinn, 2-0.

Lars Lagerback fyrrum landsliðsþjálfari Íslands stýrði Noregi í fyrsta sinn síðan hann tók við. Vond byrjun hjá Lalla en Noregur er næst neðst í riðlinum með 3 stig, sjö stigum frá Norður-Írum.