Aaron Lennon í leik með Everton.
Lögreglan í Manchester eru að rannsaka mál Aaron Lennon en þessi vængmaður Everton sem er á láni frá Tottenham, er grunaður um að hafa ráðist á stelpu á næturklúbbi í Manchester.
Hinn 28 ára gamli Lennon hefur verið yfirheyrður af lögreglunni en atvikið átti sér stað 5.apríl á þessu ári.
Lennon er talinn hafa boðist til að tala við lögregluna sjálfur.
Talsmaður lögreglunnar í Manchester hefur staðfest að ráðist var á 18 ára gamla stelpu en enginn hefur verið handtekinn.
Lennon er á lánssamning hjá Everton en hann komst ekki í lið Mauricio Pochettino hjá Tottenham.
Athugasemdir
