Alfreð Finnbogason, framherji Augsburg, er í liði 31. umferðar í þýsku Bundesligunni.

Arturo Vidal hjá FC Bayern og Henrikh Mkhitaryan, leikmaður Dortmund, eru á meðal leikmanna sem eru einnig í úrvalsliðinu að þessu sinni.

Alfreð skoraði fljótasta mark í sögu Augsburg þegar liðið lagði Wolfsburg 2-0 um helgina en markið kom á fyrstu mínútu.

Samtals er Alfreð kominn með sex mörk í þýsku Bundesligunni síðan hann kom til Augsburg í janúar glugganum.