Fyrsti undanúrslitaleikur Meistaradeildarinnar fer fram í kvöld þegar Manchester City tekur á móti Real Madrid.
Leikurinn verður sýndur í beinni útsendingu á Stöð 2 Sport og mikil eftirvænting er fyrir þessa viðureign þar sem margar af helstu stórstjörnum knattspyrnuheimsins mæta til leiks.
Leikurinn verður sýndur í beinni útsendingu á Stöð 2 Sport og mikil eftirvænting er fyrir þessa viðureign þar sem margar af helstu stórstjörnum knattspyrnuheimsins mæta til leiks.
Heimamenn í Man City náðu ekki að halda sér í ensku titilbaráttunni en eru búnir að slá Dynamo Kiev og PSG úr leik í útsláttarkeppni Meistaradeildarinnar hingað til.
Real gengur vel undir stjórn Zinedine Zidane og er í spænsku toppbaráttunni ásamt Barcelona og Atletico Madrid.
Real fór létt með Roma í 16-liða úrslitum en lenti í miklu basli gegn Wolfsburg í síðustu umferð og tapaði leiknum í Þýskalandi 2-0, en vann svo 3-0 á heimavelli og komst áfram.
Bayern München mætir Atletico Madrid í hinum undanúrslitaleiknum annað kvöld.
Leikur kvöldsins:
18:45 Manchester City - Real Madrid (Stöð 2 Sport)
Athugasemdir